«Миллион кімге бұйырады?» интеллектуалды сайысы
Түркістан облысы Отырар ауданы М.Әуезов атындағы жалпы білім беретін мектеп коммуналдық мемлекеттік мекемесінде 17.02.2026 жылы "Ұлттық құндылық пен цифрлы жаратылыстану: ғылым мен технология үндестігі" айлығының іс-шара жоспары аясында мектебімізде «Миллион кімге бұйырады?» атты зияткерлік сайыс жоғары деңгейде ұйымдастырылып, табысты өтті. Бұл білім додасын «Жас физик» және «Жас биолог» үйірмелері бірлесіп өткізді.
Сайыс барысында қатысушылар жаратылыстану бағытындағы күрделі әрі мазмұнды сұрақтарға жауап беріп, өздерінің білім деңгейін, логикалық ойлау қабілетін және шапшаңдығын көрсетті. Әр кезең тартысты өтіп, көрермендер үшін де ерекше әсерлі болды.
Финалдық кезеңге Жасұзақ Бағлан мен Юсупова Анель шығып, жоғары дайындық пен табандылықтың нәтижесінде жеңіске жетті. Олар өздерінің терең білімін, сенімділігін және тапқырлығын дәлелдей білді.
Сайыстың ұйымдастырушы мұғалімдері – Рахимова Гүлнұр және Баймахан Іңкәр. Ұйымдастырушылардың ізденісі мен жауапкершілігінің арқасында шара жоғары деңгейде өткізіліп, оқушылар үшін үлкен тәжірибе алаңына айналды.
Бұл интеллектуалды сайыс оқушылардың:
пәнге деген қызығушылығын арттыруға
ғылыми ойлау қабілетін дамытуға
білімге деген құштарлығын нығайтуға
бәсекеге қабілетті тұлға қалыптастыруға ықпал етті.
Барлық қатысушыларға алғыс білдіреміз!
Жеңімпаздарды шын жүректен құттықтаймыз!
Ғылымға қадам – жарқын болашақтың бастауы!
#ЖасФизик #ЖасБиолог #МиллионКімгеБұйырады #ИнтеллектуалдыСайыс #Жаратылыстану #БілімДодасы
