ҚҰРМЕТТІ АТА - АНАЛАР!!
Түркістан облысы. Отырар ауданы.
Оқу жылының аяқталуы — әрбір оқушы үшін маңызды белес. Балаларымыздың бұл мерекесін қауіпсіз, заң аясында және абыроймен өткізуіміз керек. Осыған орай,
"М. Әуезов атындағы жалпы білім беретін мектеп" коммуналдық мемлекеттік мекемесінде 2025 - 2026 оқу жылының аяқталуына байланысты, соңғы қоңырау мен қорытынды аттестаттау кезеңінде қауіпсіздікті қамтамасыз ету және сыбайлас жемқорлықтың алдын алу мақсатында төмендегі ережелерді қатаң сақтауды сұрайды.
Аттестаттарды табыстау рәсімі тек білім беру ұйымдарының ғимараттарында ұйымдастырылады.
Сыйлықтар мен ақша жинау: Мұғалімдерге сыйлық беруге, мектеп жөндеуіне немесе басқа да мақсаттарға қаражат жинауға қатаң тыйым салынады.
Мерекелік шаралар: Аниматорлар шақыруға, мейрамханаларда немесе үй жағдайында дастархан жайып, мерекелеуге рұқсат етілмейді.
Қауіпсіздік: Түлектердің қауіпсіздігі үшін автокөлік шерулеріне шығуға және көңіл көтеру орталықтарына баруға шектеу қойылған.
Мектеп формасы: Емтихан және қорытынды кезеңде оқушылардың мектеп формасын сақтауы міндетті.
Бұл шектеулер — біздің балаларымыздың қауіпсіздігі мен білім беру ортасындағы әділдікті сақтау үшін енгізілген ортақ талап.
Құрметті ата - аналар!
Бала болашағына бей - жай қарамай, осы ережелерді түсіністікпен қолдайды деп сенеміз. Біздің мақсатымыз — сапалы білім мен саналы тәрбие!
Мектеп әкімшілігі.
